Gámaþjónusta Vestfjarða

Nokkrir molar

Steinbúinn

 

Hátt á bergi Búi stendur,

býður sína traustu mund;

horfir yfir heiðar lendur

hár og þögull alla stund

 

Búinn barstu úr bergi hörðu,

blóði vana kempan treg,

minnir helst á heiðar vörðu

hér við Barðastrandarveg.

 

Stattu lengi heill á húfi,

hetjan prúð, í fjallasal

þó að váleg veður rjúfi

varman frið um strönd og dal.

 

Ort 1947 af Kristleifi Jónssyni .

 

Vatnsenda-Rósa orti þessar vísur.

 

Auga mitt og augað þitt
og þá fögru steina,
mitt er þitt og þitt er mitt,
þú veist hvað ég meina.

 

Sagt er að upphaflega hafi þessi visa verið þannig

Augað mitt er eins og þitt

með ofur litla steina

mitt er þitt og þitt er mitt,

þú veist hvað ég meina

Þó að kali heitur hver,
hylji dali jökull ber,
steinar tali og allt hvað er,
aldrei skal ég gleyma þér.
( VATNSENDA-RÓSA )

 

© Gámaþjónusta Vestfjarða | Opnunartími mánudaga til föstudaga: 8:00 - 18:00 | Sími: 456 3710 | Fax: 456 5157 | Vefsmíði: Styx ehf.

KNÚIÐ AF: WebSmith